ਧਨੌਲਾ, 28 ਅਪ੍ਰੈਲ (ਚਮਕੌਰ ਸਿੰਘ ਗੱਗੀ) ਆਦਰਸ਼ ਸੀਨੀਅਰ ਸੈਕੰਡਰੀ ਸਕੂਲ ਕਾਲੇਕੇ ਵਿੱਚ ਐਨ ਸੀ ਈ ਆਰ ਟੀ ਦੀਆਂ ਕਿਤਾਬਾਂ ਬਦਲ ਕੇ ਪ੍ਰਾਈਵੇਟ ਕਿਤਾਬੇ ਲਾਏ ਜਾਣ ਬਾਰੇ ਸਕੂਲ ਦੇ ਪ੍ਰਿੰਸੀਪਲ ਸਾਹਿਬਾ ਨੇ ਆਪਣਾ ਸਪਸਟੀਕਰਣ ਦਿੰਦੇ ਹੋਏ ਕਿਹਾ ਕਿ ਸਲੈਬਸ ਬਦਲਣ ਦਾ ਫੈਸਲਾ ਸਕੂਲ ਮਨੇਜਮੈਂਟ ਕਮੇਟੀ ਅਤੇ ਮਾਪਿਆਂ ਵੱਲੋਂ ਸੀ ਵੀ ਐੱਸ ਈ ਵੱਲੋਂ ਬਦਲੇ ਗਏ ਸਿਲੇਬਸ ਦੀਆ ਕਿਤਾਬਾਂ ਦੀ ਚੋਣ ਸਾਡੇ ਸਕੂਲ ਦੇ ਸੀਨੀਅਰ ਅਧਿਆਪਕਾ ਦੀ ਹਾਜਰੀ ਵਿੱਚ ਕੀਤੀ ਗਈ ਸੀ। ਜਿਸ ਤੋਂ ਬਾਅਦ ਸਕੂਲ ਮਨੇਜਮੈਂਟ ਕਮੇਟੀ ਵੱਲੋਂ ਬਕਾਇਦਾ ਇਸ ਸਬੰਧੀ ਮਤਾ ਵੀ ਪਾਇਆ ਗਿਆ , ਅਤੇ ਸੀਨੀਅਰ ਅਧਿਆਪਕਾ ਦੇ ਦਸਤਖ਼ਤ ਵੀ ਹੋਏ ਹਨ। ਜਦੋਂ ਇਸ ਸਬੰਧੀ ਸਿਲੇਬਸ ਬਦਲਣ ਬਾਰੇ ਸਕੂਲ ਮਨੇਜਮੈਂਟ ਕਮੇਟੀ ਦੇ ਚੇਅਰਪਰਸਨ ਸੀਤਾ ਕੌਰ ਅਤੇ ਮੈਬਰ ਸਰਬਜੀਤ ਸਿੰਘ ਕਾਹਨੇ ਨਾਲ ਗੱਲਬਾਤ ਕੀਤੀ ਤਾਂ ਉਹਨਾਂ ਕਿਹਾ ਕਿ ਸਕੂਲ ਵੱਲੋਂ ਸਾਨੂੰ ਸੁਨੇਹਾ ਲਾਇਆ ਗਿਆ ਸੀ, ਜਦੋਂ ਅਸੀਂ ਪਹੁੰਚੇ ਤਾਂ ਸਕੂਲ ਵਿੱਚ ਕਿਤਾਬਾ ਦਾ ਹੋਲਸੇਲਰ ਨਿਤਿਨ ਖੋਸਲਾ ਭਵਾਨੀਗੜ ਵਲਾ ਬੁਲਾਇਆ ਹੋਇਆ ਸੀ, ਜਿਸ ਨੇ ਬਦਲੇ ਹੋਏ ਸਲੇਬਸ ਦੀਆਂ ਕਿਤਾਬਾ ਦਾ ਸੈੱਟ ਬਣਾ ਕੇ ਸਾਨੂੰ ਮੁੱਲ ਬਾਰੇ ਦੱਸਿਆ, ਜਿਸ ਤੋਂ ਬਾਅਦ ਅਧਿਆਪਕਾ ਵੱਲੋਂ ਕੁੱਝ ਕਿਤਾਬਾ ਦੀ ਚੋਣ ਕੀਤੀ ਗਈ। ਜਦੋਂ ਓਹਨਾ ਨੂੰ ਪੁੱਛਿਆ ਕਿ ਚੋਣ ਕੀਤੀਆਂ ਕਿਤਾਬਾਂ ਦਾ ਐਡੀਸਨ ਸਾਲ 2012 ਦਾ ਹੈ ਤਾਂ ਉਹਨਾਂ ਕਿਹਾ ਕਿ ਸਾਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ। ਸਕੂਲ ਪ੍ਰਿੰਸੀਪਲ ਸ਼੍ਰੀਮਤੀ ਸੁਨੀਤਾ ਸ਼ਰਮਾ ਵੱਲੋ ਦਿੱਤੇ ਗਏ ਆਪਣੇ ਸਪਸਟੀਕਰਣ ਵਿਚ ਕਿੰਨੀ ਕੂ ਸਚਾਈ ਹੈ ਇਹ ਸਭ ਜਾਂਚ ਦਾ ਵਿਸ਼ਾ ਹੈ।